mahalaga ka lang.

Tinatanong ko kanina ang sarili habang nakasakay ako sa bus papuntang istasyon ng tren kung okay na ba ako? Alam mo na siguro kung aling aspekto ko un hehe. Habang nakasaksak sa tenga ko ang ipod at nag-eemote si Kyla sa kantang NASAAN KA NAhindi ko mapigilan na pumunta nanaman sa sariling kong mundo na kahit na kailan asahan mo walang magandang maidudulot, bakit kamo? dalawa lang naman ang kahihinatnan nuon, malalagpasan ko ang dapat na stop ko o LALAGPAS TALAGA AKO. Malamang lumagpas ako ng 4 na istasyon na kulang kulang 15 minutos ang nawala sa gintong oras ko. Akalain mo ba namang may linyang

“Hindi natiis, ika’y umibig sa iba” 

ouch. sakit lang. 

iilan na ba ang mga lathala ko na pinili kong maging pribado. May mga pagkakataon lang talaga na hindi ko na kayang maging malakas. Minsan ang panghihina wala pa sa tiyempo. Kung wala ako sa biyahe malamang nasa trabaho. Yung tipong bigla mong maalala tapos malulungkot ka tapos totox-sikin ka pa ng deputy manager mo. 

Hindi ko maalala kung anong pelikula o ilang pelikula na ang napanuod ko na may dialogue na magka-iba kapag mahal ka at kapag mahalaga ka LANG. Ganun ung tumatakbo sa isip ko.

Mahalaga lang ako kaya pasensya ako. 

Iniisip ko ano nga bang pinagkaiba kapag mahalaga ka at mahal ka. Siguro kapag mahal ka syempre mahalaga ka. It goes together hindi ba? You can never say na mahal mo ung isang tao kung hindi naman sya mahalaga sayo. Pero sa tingin ko, at sa tingin ko lang ewan ko sa inyo, na kapag mahalaga ka hanggang mahalaga ka lang, kung baga importante ka. Pero hindi ba importanteng malaman mo na importante ka? at least importante ka. O sige ang gulo lang ng huling statement ko sorry pls? 

Hindi mo mailelebel ang sarili mo sa taong mahal nya kase mahalaga ka lang. Hanggang dun na lang un. 

Alam mo, hanggang ngayon nasasaktan pa rin ako sa mga dahilang hindi ko maipaliwanag. Sya lang naman kase talaga. Hanggang ngayon. 

Ang hindi ko pagiging kuntento.

Oo, hindi ako naging nakuntento sa kung anong meron. Hindi ko kasi kaya. Yung isipin palang na mas gusto nya kausapin ang isang tao kaysa sa akin masakit na eh, yun pang malaman mo na sila na, mas masakit yun. 

Mahalaga ako sabi nya. Maraming mahalaga sa akin. Lahat halos ng taong nakapaligid sa akin mahalaga. Isa lang ako sa mga taong nakapaligid sa kanya kaya siguro mahalaga ako. 

Hindi ako naawa sa sarili ko. Nalulungkot lang talaga ako, hinahanap sya ng sistema ko. Nasanay akong nandyan lang sya,tapos biglang nawala o mas tamang sabihin ko na pinili kong mawala. Wala akong pagpipilian naging tapat lang sya at nasaktan lang ako. Parang buong buhay mo sigarilyo ang kasama mo tapos napilitan kang tumigil kase kapag hindi ikakamatay mo. Parang ganun. Parang ganun talaga. 

Ikaw, mahal ka ba?o mahalaga ka lang din?